गोरबो इसिँनिफ्राइ -16 Poem by Ronjoy Brahma

जोँथि फैदोँमोन आंनि
खोमसि अख्रांआव
थरसे गोजोँ हार्थखि
जायनि जोँथिया आंनि
नोजोराव
सानबायदि सोरां
-
नुजाथिदोँमोन मिनि खैरोयै
निजोम अमाबस्या हराव
-
लोगो बुंथिदोँमोन सिरियै
मानिबा रादाब
फंनैसो बिबुंथि
गोदै गोरबो सिँखावनाय
मिलौदो गारांजोँ
-
लोगो अब्ला आं खोनासङै
गंस्रिना थायो
बिनि मिनि खैरोनाय माब्लादि
गोमोर लांखो
मिथिस्लाबा जासे खोमसि।
-
नाथाय लोगो बुजियाखिसै आं
नोँनि गोदै रावनि रहयस्य
मामोन ओँथि जिउनि
-
थेवबो गसाइ बिय'नाव आं गोमोदोँ
सांग्रेमानि सोरांआवबो
आं आन्दायदोँ
खोमसिखौ सोरां होनाय
खथानि सोरांआवबो
आं सौग्रावदोँ।