गोरबो इसिँनिफ्राइ- 179 Poem by Ronjoy Brahma

उखैनायजोँ आं गाबो
मेगननि मोदै हुगारै हुगारै
अलसियाखौ फेजेन्नो हायाखै
गसाइ बिनिनो गोरबो नागिरनाय
-
अन्थाइनि हाजोखौ
बारलांनो जेरै जुजियो
गोहो नागिरना मोना
बेबादिनो गाबो आं
-
आंखौ आं सिनायनो
बेखौल' नायनो होदो नोङो
जेरै नोँखौ आं नुयो
आंनि गोरबो इसिँआव
-
निदान गोनां जिउआ
नोँखौ जेरैहाय नागिरो
आंनि मोखांआव खुसियै
नोँखौ आं जेब्लाबो जेरै नुयो
-
बेबादिनो नोँनि गोरबोखौ
मोनथि मोनै जायो आं
सुखु मोना गावखौ सिनायै
नै गिरि नागिरो दिनै
-
सहायनो हायै जायो
मोन्दाङै गोरबोआव
बेखायनो खेँखाय बायो आं
नोँ फैदो बेखायनो सिगांआव
-
खालौ बिलौ गोसोआ
नोँखौ मोननो हास्थायथारो
नोँ आंखौ गोबाफै गसाइ
आंनि गाबनायखौ हमथानानै
-
नोँनि बिथोन फालिनो
आं गोसो जायोब्ला
बेखौनो होदो गिरि आंनो
जेरै नेवसिनो हायो दुगानायखौ
-
नोङो गोसोआव खोख्लैना हो
जेरै आं बावनो हालिया
जिउआ जेराव अनसायो
मोकथां संसारनि रंजानायजोँ।
-
15/02/2016