गोरबो इसिँनिफ्राइ -36 Poem by Ronjoy Brahma

बेनोथ' जिउ
दुखु दाहाजोँ नाख्रेब जानाय
माब्ला सोरजिखो?
माब्ला हरखो?
बे आंनि मुथासे जिउखौलाइ
-
हरनाय अबंनि मुथासे जिउखौ
लानानै आं सासे सुबुं
माब्ला फैयो बारहुंखा
माब्ला जोबलाङो जिउ मुथासे
सोर मिथियो?
सोर सानना मोन्दांनो?
बे सोरजिगिरिनि
-
नाथाय मा बेलाइ
जिउआ मा?
माजोँ दाजानाय?
सोर फिननो हागौ?
रंजादोँ मिनिदोँ आं दिनै
गाबदोँ दाख्रायदोँ बायदि
बेखौ लानानै दान्दिसे
-
माब्लाबा गाबो
माब्लाबा मिनियो जेन'
दाउसा मोख्रेबसो।