गोरबो इसिँनिफ्राइ -47 Poem by Ronjoy Brahma

गोरबो इसिँनिफ्राइ -47

हानाय नोँखौ सिनायनो आंदि
नागिरबाय घोरोम मोनसे
नोँनि सोरां जोँथिया गोरबोआव
गसाइ दोन्दोँ सोरां समायनाय
-
बिदिन्थानि जायख्लं
फुं-बेलासि
नोँनि मेगन गोरबोआव आंनि
गोरबोनि आर'ज आंनि
फोरमायो सिरियै गोरबो अख्रांआव
-
गसाइ नोँखौ गाबज्रियो गोरबोजोँ आंदि
नै बिफा नोँदि जोँमा
दिनै गोरबोआ आंनि
गैया मिनिस्लुनाय
-
गसाइ होसिख्रावनाय सुबुंनि
बैसागुनि गोदै दाउनि मिनिस्लुनाय
गैया गोदै दाउनि
देँखो खोमायाव
-
गोरान हाद्रि मिथिँगाया
बारआ फैदोँ गुदुं
हाव हाव
गैया सुग्लायनाय गोरबोआव
आंनि आर'ज आफा
नोँनिसिम गसाइ
-
नै नोङो होदो थाजिम सास्रिनाय
बोरमानि आंनो नोँनि
गोरान हाद्रिनि बुहुमाव
अखा महरै
-
नोँनि थान्दै बैसागुनि
बार-दै-सिख्लाखौ
थिनहरदो आफा थिनहरथारदो
दाखोरजोँ बुंफबनाय सुबुंनि खुलिखौ सिबस्रांनो
लोगो समायना महर होनो।
-
16/04/2014
गामियाव

Friday, July 25, 2014
Topic(s) of this poem: poem,prayer
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success