आंनि देरा-5 Poem by Bidindra Basumatary

आं गोजोनदोंमोन जेब्ला आफाया जौ गारदोंमोन
आं गावखौनो दुगाना लायोमोन
जोंना आफाया जौ लोंला होनना।
-
आंनि गोजोननाया दान्दिसेल'मोन
आंनि दुगानाया साननैसोल'मोन
आफाया दिनै जौ लोंफिनबाय।
-
लोङा सोरनिबा महल सोरनावबा बायना
लोङो सम सम न'आव संना
लोंनाया लोङा आफाया बांद्राय।
-
रागा जायो बेनो माब्ला जौ लोंब्ला
अब्लाना आं दुखु मोनो गोर्बोआ गाबखांना
फरायनाया फेलें जायो दान्दिसे।
-
आफाया मावो हालाय-हाफाय गोलोमदै फसरना
जोंनिनो जोंसार इयुनखौ नायहरना
खामला-हाजिरा मालायनियाव।