गोरबो इसिँनिफ्राइ -74 Poem by Ronjoy Brahma

गोजौ अखोरांआव बिरबाय आङो
महर गोसा हायनारि नोँखौ नुमारै
गोथौ लैथोआव गब'बाय आङो
समायना नोँखौ गोर्बोआव हास्थायनानै
-
सना मिजिँ आंनि हाबिला नोँखौ
बिरबाय जोमै जोमै जावबायनायाव
रजे नोँखौ नागिरो आङो
-
जाय फुंबिलिया जारौ मोखाङै मिनिस्लु
फैबाय फैबाय आंनि नोङो
समायना देलायना गोजा दखनाजोँ
-
सना गोरिब हावरियानि देलायनायखौ फाहामनानै
गुफुर गाननायाव साजायनानै नेगोन
फै हायनारि जारौ मोखाङै
लोगो हमगोन दिनै बरायना
गोथार गोसोजोँ
-
अरायनि रादाय खानानै लागोन
आङो आय'
दिदोममै दिनैनि निजोम फुंबिलियाव
मेसेबा मेसेबनाय नङा आं लाजिनायाव
-
रजे लागोन समायखौ
जोबलांगोन जिउआ जेब्लासिम
सना नागिरै नागिरै बिरो
गोरबो गोरबो नोँखौ नागिरो।
-
10/06/2014
गामियाव