माबा गोरान सुखुआ गोजावनानै
बावथारबाय आफा गिरि अबं नोँखौनो
बिरबायै हाद्रि हाद्रि
रंजायै फेँफोना महरै गोरान लैथोआव
-
लोगो गोसोआव आब्रायै एंगार थारबाय नोँखौनो
बे दुखुखौ हरदो गिरि अबं आंनो
गोदो थारथोँसै गोसोआ आर'ज गियानाव
-
आंनि मिनिनाया जायाखै आफा ओँथि गोनां
बे रंजानायनि जायाखै गोजोननाय
मोनदोँसो सुफुंख' हायै खहा
-
नै आय' अबं हरदो आंनो हरदो
गोरान गोरान गोरबोआव अखाखौनो
गसाइ नोँनो गासैबो गोसो आंनि
-
आय' गिरि बे लुबैनायखौ
जिउआव होदो दिनै खेबसे
लुबैलिया आं गिरि आफा
मोदै हुगारनो फालि गांसे
-
लोगो हास्थायदोँ आं दिनै गोरबोआव
बोहैहोनोसो सोलेराव सिदोमा मोदै
आय' आफा अबं गिरि नोँनि
बे लुबैनायखौ होदो दिनैलाय
-
बे आर'जखौ आजावदो आंनि
आरोबाव बिरबाय गोसोआदि
गसाइ दाथाथोँ ओँथि गैयै मिनिनायाव।
-
15/09/2014
गोजोनफुरि
This poem has not been translated into any other language yet.
I would like to translate this poem