गोरबो इसिँनिफ्राइ- 86 Poem by Ronjoy Brahma

नायहर गोरबो आंनि
मेगन गिदिँदोँ सोनाबथिँ
हनै सानादि आनज्रायबाय दान्दिसे
दुखुदि नुआखै मेगना
-
गोरबोआव सौग्रावो फुजानि रिँखांनाय
खोमाजोँ खोनाबाय
मेगनाव गोग्लैयो गेजेरावहाय
-
गोसोआव बिरबायदोँ सानस्रियाव
थैयाव मावखांदोँ आंनि हमदांनाय
गोसोआ सिरि सिरि बिरलांदोँ बहाबा
मेँग्लिना थाफैयो आरोबाव
-
लुबैनाया आंनि बाना जायो
हरखाब नोँखौदि आं गोरबोआव
आर'जआ दै गोगो बोहैनायबायदि
गंग्लायो सान्ना गेबेँ आर'जआव
-
माबाव गोदोहाबखो गोरबोआ
बेखौदि सोङो नोँनियाव
गले गले खावलायो अबंनाव
थब्ल'नाय ओँथि गैयै हास्थायनाय
बेखौदि सावस्रेमहर हांगारै
-
नै आंनि अबं
नोँखौदि हास्थायो
फैथारदो होखारना गोरोन्थि अहं
गेबेँ गियानाव आवग्रिदो
-
गोरबोखौ दैदेन फै गोथारै गेबेँआव
बेखौदि खावलायो आरोबाव
फै फै बुंहोफै गोरबोखौ गियानाव।
-
03/10/2014
आमटेकायाव