Shagun Khera

Rookie (09 June 1984 / Delhi)

Aaj Tanhai Se Mila Tha Main! ! - Poem by Shagun Khera

royi bahut lipat ke mujhse..
ke jasbaad usne beh jaane the diye..
surkh thi aakhein aur lab the mayuus
bahut sataye hue uske khulus..
baat aaj pata chali ke koi meri tarah bhi hai..
ke aaj tanhai se mila tha mein..

naaraz si hai apni umar se woh..
ke mohabbat ke zikar pe deti hai ro..
koi nahi uska..koi nahi hai chahtha..
ke wafa bhi uski koi nahi hai aazmata...
chup si rehti hai....kisi virani ki tarah woh..
khwaishe bhi jaise..maut ki neend gaye hai so...
saans leti hai to..zindagi se udaas rehti hai...
yeh sochkar khush hoti hai..ke maut kahi aas paas he rehti hai

din dhalta hai..uski zulmat pe..hasrato ka andhera chaata hai..
pucha usne mujhe ek din...kyu nahi reh sakta meri zindagi mein...
savere ka kya jaata hai..
roti hai...kuch is tarah se bikhar ke woh...
ke jaise..samundar uske dil mein rehta hai...
samajhaya maine usse bahut...khush rehne ki bhi di use salah..
ke aaj tanhai se mila tha main...

visaal ke inteezar mein..usne firak se dosti kar li...
itni rahi pyaasi ke..tishnagi se aashiqi kar li...
dard ko samjjh ke apni kismat..usne sab khushio ko thukra diya...
kabhi this woh haazaron armaan sajaye apne dil..
bikhri hui raakh ke he jaise..usne apni hasti ke naam sadgi kar li..
nahi padta farak...nahi hota mehsus...
jo pehle darti thi zulm se..zulm se usne zindagi kar li...

kuch apni si kahani dikhi usme..kuch tha apnsa sa he fasana..
sadio se shayad humraz thi mere...aur main kyu raha anjana..
khair...maine bhi apni baaki zindagi usi ke naam kar di...
marna to hai akeli hi.. kya krunga leke zamana...

aaj...dard se dard mila..to zakhm lagta kuch sila sa hai...
ke aaj tanhai se mila tha main..
aaj tanhai se mila tha mein...


Comments about Aaj Tanhai Se Mila Tha Main! ! by Shagun Khera

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, November 28, 2012

Poem Edited: Wednesday, November 28, 2012


[Hata Bildir]