Afr: Afrokkel, Met Ware Smokkel 7.29.2008 Poem by Margaret Alice

Afr: Afrokkel, Met Ware Smokkel 7.29.2008

Opheffing in Afrika, kos en water en blyplek vir
almal; ons gaan die goed van mekaar afrokkel,
kibbel en knoei, met onwettige ware smokkel,
konflik stig, mekaar verkla en oorlog voer

Verantwoordelikheid moet geleer word, etiese
kodes moet waardeer word, materiële opheffing
sonder kennis is sinloos - soos die Russiese
kommunistiese revolusie geleer het

Die menseregte-handves sonder konsep van
verpligtinge is ‘n mislukkingsresep; mense wil
groot getalle kinders hê en met niksdoen wag
vir oudag; die land is mos ryk aan

Grondstowwe en edelgesteentes; ons wil dit ver-
kwansel vir rykdom, sonder kennis en vermoë
om self die land te ontgin; stomgeslaan kyk ons
hoe oorsese lande ons ware uitvoer

Verwerk en terugvoer teen ‘n heerlike wins; ons
moet nog leer: Kinders bring slegs voordeel as
rasionele eiebelang en integriteit hulle bemagtig
om te werk en sorg vir mekaar, andersins

Het hule slegs waarde as middel tot eksploitasie
omdat hulle hulself nie kan handhaaf nie; watter
stappe ter verspreiding van kennis en etiek
word reeds voorsien?

COMMENTS OF THE POEM
READ THIS POEM IN OTHER LANGUAGES
Margaret Alice

Margaret Alice

Pretoria - South Africa
Close
Error Success