Aking Panaginip Poem by Francis Utada

Hindi na mapakali sa aking inuupuan
Gusto na kitang Makita, nasaan ka naba
Ilan araw pa ba ang aantayin upang ika’y makasama
Sa panaginip na lang ba lahat ng aking mga pangarap

Pagod na ako tumakbo at habulin ang tunog ng pag-ibig
Sana sa iyong puso marining ang musikang hinahangad
Upang sa iyong piling wala nang hahanapin pa
At sa habang buhay tayo’y magsasama sa walang hanggan

Hilo hilo na sa kakaisip sa iyo
Makakamit ko ba ang iyong mga kamay at pag-ibig na wagas
O isa lamang itong panaginip na aking binubuhay
At sa dulo ay ikaw ay mawawala sa aking paningin

Ngunit lumayo ka man sa akin ikaw ay hahanapin
Abutin man ng taon ay aking susuyurin
Sapat na namalaman mo na pag-ibig ko sa iyo at tunay
Basta’t tumitibok ang aking puso ikaw lang ang syang bibigkasin

At sana sa pagdating ng panahon pag-ibig ay makamit
Iyong mga kamay maramdam at hindi hangin lang
Yakapin ka na parang hindi na papakawalan
Sabihin sa iyo na mahal kita at walang iba