Ako, Diyos? Poem by Frederick Maurice S. Lim

Ako, Diyos?
Pag minahibi,

Dai akong magiginibo,

Anghel akong marani saiyang naghahagad

Ki kugos, ki aling,

Kaipuhan niya an sakong init

Maski an lipot nagsusuksok sakong tulang,

Dai akong magiginibo,

Diyos siya, iyo,

Saday na dios,

Na pighahagad sako an gabos,

An sakuyang daplos buda dugo,

An sakuyang perlas na oras na sakuyang kinaban

Garo napapasa

Pag an sakong angog nagkarigos sa daplos,

Kaipuhan niya an gabos,



May panahon na dai ko napupugol an pasi

Kan pulot sakuyang pisngi

Ta may panahon na dai ko magamit an sakong mga kamot,

Dai ko magamit an gabos

Tanganing pugulan an saiyang pagpunit nin tuninong,



Naaapod ko gabos na santo,

Sa hudyan,

Malaog ako sakuyang sadiri,

Malaog ako sakuyang pinakairarom,

Duman maaaraman ko

Na tunay,

Dai ako Diyos.