Ahmed Nadeem Qasmi

(20 November 1916 - 10 July 2006 / Anga, Khushab / British India)

Andaaz huu-ba-huu terii aavaaz-e-paa kaa thaa - Poem by Ahmed Nadeem Qasmi

andaaz huu-ba-huu terii aavaaz-e-paa kaa thaa
dekhaa nikal ke ghar se to jhauNkaa havaa kaa thaa

is husn-e-ittefaaq pe luT kar bhii shaad huN
terii razaa jo thii, vo taqaazaa vafaa kaa thaa

dil raakh ho chukaa to chamak aur baRh ga'ii
ye terii yaad thii ke amal kiimiyaa kaa thaa

is rishtaa-e-latiif ke asraar kyaa khuleN
tu saamne thaa aur tassavvur Khudaa kaa thaa

chhup chhup ke rouuN aur sar-e-anjuman haNsuuN
mujh ko ye mashvaraa mere dard-aashnaa kaa thaa

uThThaa ajab tazaad se insaan kaa Khamiir
aadii fanaa kaa thaa to pujaarii baqaa kaa thaa

TuuTaa to kitne aaiinaa-KhaanoN pe zad paRii
aTkaa huaa gale meN jo paththar sadaa kaa thaa

hairaan huN ke daar se kaise bachaa "Nadeem"
vo shakhs to Ghariib-o-Ghayuur intihaa kaa thaa


Comments about Andaaz huu-ba-huu terii aavaaz-e-paa kaa thaa by Ahmed Nadeem Qasmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Tuesday, April 24, 2012


[Report Error]