Ang Mga Sakong Bugas Alang Kanimo, Andam Na Poem by RIC BASTASA

Ang Mga Sakong Bugas Alang Kanimo, Andam Na

nagtoo ka nga
dakong sayop ang karon
nga kinahanglang
daghan pa gayod kaayong
usbon
nagtoo ka nga wala buhata
sa mga nauna kanimo
ang angayng buhaton
gibasol mo sila sa kalisod
sa mga nag-antos
gipanghimaraot mo ang
mga gamhanan
gusto nimong tay-ogon
ang atong gisakyan
aron mangalunod kitang
tanan
aron daghang malumos
og mamatay

apan bisan pa niini
ako pa gihapong giampo
ang mga masaaron
diha sa imong
kabatan-on

andam pa gihapon ang
pipila ka sako sa bugas
nga sarang lung-agon
alang kanimo Ondoy...

Saturday, October 24, 2015
Topic(s) of this poem: life
COMMENTS OF THE POEM
READ THIS POEM IN OTHER LANGUAGES
RIC BASTASA

RIC BASTASA

Philippines
Close
Error Success