Ano Ang Iyong Tugon? Poem by Catherine Agunat

Ano Ang Iyong Tugon?



Luntiang damo, ipinagkait sa kabayo
Sa mga buwaya mas piniling ipaubaya
Ni ugat at sanga ay walang ipinamahagi sa maralita
Habang kanilang mumog ay sa mga tuta napupunta

Busilak na puso, sinong may taglay
Mga liryo na lang bang nakahimlay
At mga paru-parong makukulay
Pagkat halos lahat na ay hangal ang kapantay

Pilantod na pangarap ng mga dukha
Katuparan kaya ay masasalat, makikita
Kung sistema ng lipunan ay lalo namang lumalala
Pasanin sa balikat ni Juan ay lalong dumadagsa

Sa luklukang makinang
Nakapila maging manlilinlang
Sa kamay ng tulad ko at tulad mo
Nakasalalay ang kinabukasan ng ating gobyerno

Ang pagbangon ng sariling bansa
ay sa tugon mo nakaasa!

Thursday, April 4, 2013
Topic(s) of this poem: government
COMMENTS OF THE POEM
READ THIS POEM IN OTHER LANGUAGES
Close
Error Success