Bè Wíth Yøu..{hindi Poem} Poem by Menime Soul

Jo tum naa keh sako, woh lafz soon lu mein..
Kuch ankahee baaton ki, ek geet boon lu mein.
Rahein jo yaad tumhe, ek aisa dhun gun gunaunga..
Tumhari zindagi mey kuch haseen lamhe de jaoonga mein.

Kisi roj ye saanse ruk jaaye jo hamari, toh gam naa karna..
Aankein band kar gun gunana woh dhun, aur hamein yaad karna.
Yaadon ki mehfil mey tab paogi humein tum..
Bas is dhun ko kabhi apne se alag naa karna.

Naa ho payenge tumhare, yeh jaante they hum..
Chup rahein hum magar, har waqt har kadam..
Kaise dey detey hum yeh gam apna tumhe?
Kaise dekh paatey hum in aankhon ko num.

Is pyaar mein jo bhi paya hai tumse..
Kho naa jaye kahin bhul se bhi humse.
Le jaa rahein hain ise duniya se door saath apne..
Jahan naa chhin payega koi, yeh pyaar tumhara humse.

Phir nazar naa bhi aau, par saath rahunga mein..
Jab kabhi tum hansaa karogi, toh saath muskuraunga mein..
Aye jo meri yaad kabhi, toh wahi dhun gun gunana.
Zindagi ke panno se woh haseen lamhe ley aaunga mein.