बायदि स्लगान(Bodo) Poem by Bidindra Basumatary

बड'लेण्ड, बड'लेण्ड! ! बड'लेण्ड! ! !
उइ अवान्ट बड'लेण्ड!
न् बड'लेण्ड न् रेस्!
एबसु लं लिभ!
दुलाराइ बर' फरायसा आफाद थांनानै थाथों!
बायदि स्लगान राजा लामाजों!
गामिनि मानसिफोरा जै होफादों
हां हगारसारना-
जै बर' हारिनि जै!
बेनिनो उन उन माखासे स्लगान
बिपिएफ जिण्डाबाद! जिण्डाबाद! !
बिपिएफ जिण्डाबाद! ! !
जौसां जौसां बिबुंथि
बड'लेण्ड मोनाब्ला जोंनि इयुना मा जागोन?
दायो जों बिटिसिजों बेसे जौगादों
सानैसोआ जौगादों रां मन' मन'
बिसोर बेजोंनो गोजोनदों
गावसोरनि मासि बिसोर नायथाबदों
फारसेथिं बुंदों-
बर'आ बड'लेण्ड मोना राज्योफोर
बर'आ बड'लेण्डखौ ब्रैजि बोसोरनि उनावसो मोनगोन
बेबादि होख्रावना बड'लेण्ड मोना।
जानांगौ बिथांमोनहा रां दाहारनि सुद दिहुन्दों
सेरोजा रांनि सुद, जौसेयाव बेसे दानाव, बोसोराव।