Courage Never Comes In Words, But In Deeds - الشجاعة ما بتجي بالحكي و لكن بالفعل Poem by MOHAMMAD SKATI

صرنا ارقام و اعداد و فجأة صار كل العالم بيحبنا! يا لطيف الطف! كل هالأيام اللي مرت ما حدا شافنا! العمى بعيون اللي ما بيشوف! متنا و عشنا و ما حدا النا بكام انتوا! يا لطيف الطف! تشردنا و تمرمطنا و انجعكنا جعك و انبزء علينا و اشياء كثيرة عيب اولا... كأن شيئا لم يكن و بلحظة نزل الالهام على هالعالم اللي حوالينا! صار كل العالم معنا اللي بيسوا و ما بيسوا و بدون ينومونا ببيوتون و نشاركون لئمة الخبز و صارت الجنة الموعودة موجودة... وين كانوا كل هالأيام ؟ يا لطيف الطف ؟! ما ضل واحد الا ركلنا او ضربنا او تف علينا او بزء او و او و او... زايدوا علينا و اسا عم بيزايدوا و رح بيضلوا يزايدوا لحد ما يطلعلون شي جديد... هادا صار بيحبنا و هادا صار بدو يانا بالملايين نجي نسكن عندون و هني بيكفلوا بكل شي! البت نفسنا الب! متنا و عشنا و ما حدا انا بكام انتوا! كلون صاروا يتاجروا فينا و بيع كنك بتبيع و عال المكشوف يا تاجر! صرنا متل ضراب السخن وين ما رحنا... حكوا علينا كل شي رجال و حريم و اولاد و ما خلوا علينا كل شي و بيشوفك الواحد من هالبني آدمين و بيئلك بدو يتجوز من بناتكم... هني مخملين بناتنا بيرضوا بمين منكان... و لك الوحدة منا بتوزن الف رجال... يا لطيف الطف! غمة و بتزول و منرجع احسن بألف مرة... عرفنا مين معنا و مين ما معنا... و الله يكثر خير يللي وئفوا معنا و يسامح البائي... اللي ماتوا ماتوا و الي راحوا راحوا و اللي عايشين عايشين و بوكرا بنرجع احلى للبيت اللي خلئنا في و غمة رح بتزول... __________________________________________________________________________________________________________________________________________________________________________________________________________________هذه القصيدة بالعامية... ______________________________________________________________________