|
|
 |
|
|
User Rating: |
|
9.5
/10
(2
votes)
|
|
|
|
|
|
2al keno y2oulo el balad mecheh
Eh mecheh,3al toffecheh
Bil a7ra, el bala ken rekid
Ma3 enno el wade3 ken re2id
Rayi7 saroukh 3al kharab
W ma baddo yekhod edrab...
Sa2alouna bwa2ta chou el probleme?
2elnelon el ra2iss byesba7 w biynem
W lamma el ra2iss ma biynam
Biykoun 3am yed7ak mitil 3adil imam!
Terik hal balad w deyera ibtisemet
W dabbreh mokhik ya wizaret!
Ma houwweh chel ido men zamein
W ghassala b mayy berdeh kamein...
Bass wa2ta, ma 7ada 2abadna jadd
W n2ata3 majra el 7iwar w nsadd,
Fa2a3ouna el zableh el 3ajibeh
W nessyo wjouhna el ka2ibeh.
Ne7na skatna w sbarna, w 2elna la sbedd
Ma yejeh wa2et w ne2dir ne7keh w nredd
Bass fi kamm wa7ad 2aloulna 'ma tcheddo idkon
Ne7na deyrina 7omsiyyeh bass msadd2inkon'
2elnelon 'mademkon 3arfin bwad3 el ness
Leh sektin? W 3ala ayya 2assess? '
2amo 2alo 'el cha2i2a badda heik
W kamein el za3im wel beik!
Ya3ni ya 7elou eza ma btel7a2 Emile
Bitssir beh nazar el jami3 3amil'
Fa fhemna enno wade3na metel el le3beh sar:
'Sakata el jami3 wa takallama el 7imar'
Ya3neh ya we2i3 b2iden hal kemmecheh,
3ajabak walla ma 3ajabak, el balad mecheh.
Hon, ballachit tel3ab el sousseh
Be 3a2l hal ness el maf2ousseh:
Enno el rouss el kbireh ma2khoudeh,
Wel rouss el wassat ma2kouleh,
Wel rouss el zghireh mad3ousseh,
Wel mich mou3taraf be rasso, biyfakkrou rousseh!
Ya3neh YA 7ABIBI 3ala hal bouta
Betkhalleh el wa7ad ye7lam enno ychouta!
3a min baddak te3timid ya lebneneh
3al serra2 walla el mejrim walla el 2aneneh?
En deux mots,3ala min el ittikal?
Hayda a7la w ahamma so2al!
Iza bta3rif el jaweib, ittossil 3al 1250
W bterba7 a7la tanket benzine!
Eh walla, w 7zaro chou sarit ya chatrin
El ghinniyyeh el moufaddaleh 3end el lebneniyyin?
Ra7 ellkon: 'tiri ya tiyyara tiri
W khedeh l 3allamon el 7ariri'
Akh, hal 2awedim lleh 3a2leton akbar
Men 2enno ydallo bhal balad el m3attar...
Heik menkhabberkon, haydeh 2ossetna
Ma 7ada byentibih, in 3echna w in metna.
Men wa2ta, ya ekhwein, ne7na 2at3in el 2amal
w 2eylin el balad khirib w ettakal
Chou, kamm wa7ad baddon ychilo el zir min el bir
W ykhallo el balad,3ala el 3ajalet el sa7i7a, yssir?
Eh ma biyssir!
Leh? Ma fi tefssir...
Faj2atan ballach yet7assan el wade3 el ta3iss
W bnafs el wa2et yeswadd wejj el ra2iss.
W ntabaho enno el mou3arada sarit kbireh
Fa ma le2o 7all gheir 2atl el 7arireh
Lekin ma keno 3arfin enno el achkhas el kbar
Lamma byou2af 2albon, ma biyssiro zghar.
Bel 3akess biyssiro akbar bi ktir
Beh 3youn el kell: ghaneh w fa2ir.
Fa kanat al we7da wa kanat al thawra
W far hal lebneneh el ma72oun fawra!
Ya3neh ba3da jouhden jahiden wosslo
La lleh 2elna 3ichrin seneh min 2oulo,
El mouhemm wosslo w fehmo w staw3abo
Enno lebnen ma 2elo gheir cha3bo...
W ya mou3arada d3asseh benzine
3al khamsta3ch tiss3a w khamsin
Ma takhafeh men el jiran
Ra7 yehrbo metl el firan!
Wa izz, btitla3 fekret chawez
Beh rass (yo2borneh) el estez
Enno kif baddo yeskot? Afich!
Baddo yodrob el mou3arada wiychawwich
Fa in3akada lika2 3ayn el tineh:
Tossri7 bel 3arabeh w 3achra bel siineh...
Tekhmin ken nesseh enno el lebneneh polyglotte
W byefham kamein ma wara2a el soutour w ma byeskot?
Tadrijiyyan, ballacho a3da2 3ein el tineh y3ano
Fa touwouffiya al lika2, tabban w di3ano.
Tossri7 men hon w radd men honik
W infijarat 2abel siya7 el dik,
Mouzaharat nizil 3laya kell el cha3b
2ella kamm wa7ad, bel 7ezb, wad3on ktir sa3b
Nezlo 3al cheri2 msabb2in b kamm yom
W saro ye7ko 3an 2a3deid fo2 el mallyon...
Sta2al el karameh lekin reji3 tkallaf
Bass noss 7oukoumeh ma 2edir 2allaf,
Franjiyyeh sar batrak beh ghafleh
Bass tarak el manssib 2abel ma ya3mloulo 7afleh,
W 3addoum lleh neyim 3a wad3o w merte7
Wossil 3a beib el janneh bass ken mdayya3 el mefte7...
2amma el ra2iss fa farjena ibtissemto el karimeh
Men ba3d, bass,2arb3in yom 3al jarimeh
W ballach ysarri7 w ye7keh
W ya rayto dall sekit w ma 7ekeh.
W teneh nhar,7zaro chou sarit ya chattourin
El ghinniyeh el moufaddaleh 3end el lebneniyyin?
'Ya merssal el marassil
3al day3a el 2aribi
Khidli bdarbak hal razil
W a3ti la 7abibou! '
T7assan el wad3 w lejnet el te72i2
3am tet2allaf w jeyeh,3al tari2.
Kamein halla2 chakkal el mi2ateh 7oukoumeh
Men 2ella nchallah t3icheh w tdoumeh
Bass ntebheh yemkin tssireh beh khabar ken
Iza ghlotteh aw nssiteh chi bel bayen!
Jarna, lleh bel awwal 7ewal ykabbir rass,
Ballach el inssi7ab (3a ra2bto) w ra7 yekhlas:
Yom tletin nissen, ra7 ykoun el 3id
La anno ekhir jendeh soureh ra7 yssir b3id
Ya3neh nchallah ma yeb2a b lebnen ka3k
Illa el ka3k el lebneneh, ma3 enno baddo da3k...
Bass byeb2a el so2al el ahamm ya chattourin
Ayya ghinniyeh ra7 yghanno ba3den el lebneniyyin?
'Dakhlak ya tayr el doureh
Mre2lak men sawb el soureh
Khabberhon lal 7abayeb
Fallo w khilssit el massayeb'
Aw ra7 yotla3lna chi adrab men 3ayn el tineh
W nekela boxe el towtin el felestineh
W tijina laz2a adrab to3raf bel amerkeniyyeh
W ra7 nballich killna nghanneh hal ghinniyeh:
'Reddou ya hawa la 3endi
2assirli el massafat
7amel bi idi wardi
2ahat w zekrayat! '
Hayda terikh wataneh el jdid
Akid ma khabbartak chi moufid
Ma kellon hodeh, enta bta3refon aktar menneh
Lleh 2eleh btebi3 siyesseh 2a2all men seneh,
Bass yemkin 2deret da77akak ya ammour
Beh nazerteh el gharibeh (wel bari2a) lal 2oumour.
Rita El Khoury
|
|
|
|
 |
 |
 |
 |
|
 |
|
