Gatas Sa Bangui Poem by Frederick Maurice S. Lim

Gatas na mainit

Na may diit na asukar,

Garo pagkarigos sa dagat

Pagkatapos mahigda sa baybay,



Nektar sa pagal na lawas,

Buda sa pusong malungsi,

Ugma na naglaog sakuya an mapulot na hamis,

Puno akong haluyon sa paghalat sa pag-abot nin limpoy,

An naggabat kong payo

Naggibo ki kalot,

Pangiturugan, yaon na ako.



Gatas,

Protina ka para sakuyang agimadmad,

Pampakusog tanganing may laban sa mga Beelzebub na maabot

Sakuyang paglaog sa makangirabong dimensyon.