Ghazal - Charagh Sham Se Akhir Jalaen Kis Ke Lie. Poem by Dr. Alim Usmani

Charagh sham se akhir jalaen kis ke lie.
Koi na aeyega ankhen bichhaen kis ke lie
.
Khincha khincha nazar ata hai hamse har anchal.
Sitare tod ke laen to laen kis ke lie.

Nahin hai koi hamen zindagi ka shauq magar.
Ham apni jan se jaen to jaen kis ke lie.

Sitam uthane ka maqsad bhi koi hota hai.
Ham asman se sharten lagaen kis ke lie.

Khilaf ham nahin akhtar shumariyon ke magar.
Sawal ye hai ki neenden ganwaen kis ke lie.

Wafa ek aag hai bachchon ka koi khel nahin.
Ham apna muft me daman jalaen kis ke lie..

Sharab hampe hamesha se hai haram ALEEM.
Pata nahin ye uthi hain ghataen kis ke lie.