Ghazal - Maikhane Me Saqi Ka Karam Aam Nahi Hai, Poem by Dr. Alim Usmani

Maikhane me saqi ka karam aam nahi hai.
Jannat me bhi har shaks ko aram nahi hai.

Tu ponchle is chand ke chehre ka pasina.
Ja tujh pe mre khoon ka ilzam nahi hai.

Ab to tri dunya se bahot door basa hun.
Ab to mre khwabon me tra kam nahi hai.

Pinha'n hai jo khushyon me kasak usko na poochho.
Aram se wo hain jinhe aram nahi hai.

Ruswai se tum kyon ho ALEEM itna parisha'n.
Woh bhi koi insa'n hai jo badnam nahin hai.