Habo Kong Magtaram Poem by Frederick Maurice S. Lim

Pwede man garo na ngirit na sana an magkahuron

Sa mga makakasabatan ko sa dalan

Sa tigbabayong hapon kun sain

Pigguguyod ako nin nagbababang aldaw

Paduman sa paniya niyang dagat

Kun sain pighahanap ko an sakuyang sadiri,



Sana dai ninda ako isumpa

Ta barado an sakuyang halunan ki mga hapot

Sa mga panahong dai ko bisto an sakuyang sadiri.



Habo kong magtaram maski maghapot sinda kun pasain ako,

Pwede na garong simbag an hararom na hinangos...

Dai makahalat an naghihidali kong mga bitis

Na luway-luway

Mahali

Sagkod dai na niya ako mahiling…