Hamesha Tujhse Mohabbat Karoonga Poem by Shrini Deewana

Mohabbat se to mohabbat karte hai duniya mein har koi,
Mein to sanam tere nafrat se bhi mohabbat karoonga,
Tere baaton se agar kabhi dil toot jaaye to kya gham hai,
Sanam tujhse kabhi koi shikwaa mein na karoonga.

Jo behate hai aansoon sanam aankhon se mere,
Un aansoon ko nazar mein tere aane na doonga,
Dekh kar aansoon mere kahin dil toot na jaaye tere,
Isliye tujhse mein apne aansoon chupakar rakhoonga.

Teri muskuraahat hi sanam mere jeevan ki khushi hai,
Tere chehare se muskaan ko kabhi mein mitne na doonga,
Agar kabhi aaye sanam tere in aankhon se aansoon,
Apne honthon se sanam un aansoon ko mein pee loonga.

Tere saare gham ko sanam mein khud jhel loonga,
Tere aankhon mein aansoon ki ek boond aane na doonga,
Lekar tujhe baahon mein apne tere zulfon ko mein sehalata rahoonga,
Chahe kuch bhi keha le zamana jeevan bhar tujhse mohabbat karoonga.