Huwad Poem by Hazelyn Usop

Hindi mawari ang kaligayahang aking nakamtan
Nang sa wakas tayo’y naging isa nalang
Buong puso kong pinasalamatan
Ang diyos nasa atin ay may lalang


Ngunit biglang naglaho saya sa aking puso
Nang tuluyan kong mapagtanto
Huwad palang pagsuyo ang iyong ipinangako
Hindi makapaniwalang ako’y iyong naloko


Sadya nga bang ganito ang mag-asawa
Minsan ay kaydali ang magsawa
Anuman ang sabihin hindi mo maitatatwa
Pinapahiwatig mong sakin ay gusto mo nang kumawala


Kung dati ika’y laging sabik
Ngayo’y madalas hindi maalala kahit isang halik
Ano kaya ang magagawa upang maibalik
Pag-ibig mong akin lang bawat saglit


Itong mensahe ay aking inilalaan
Sa taong buong puso kong pinahalagaan
Sanay lagi niyang tatandaan
Siya lang ang iibigin ng ganito magpakailan pa man