Inamorato; Inamorata Poem by Paul Pruel

Ang iyong mga tingin ay napakalagkit
Parang nagpapahiwatig ng pag-ibig
Ang puso ko ay tuluyang nang namagnit
Pinangarap na ikaw ay maka-niig

Ang mamasa-masa’t mapula mong labi
Ibig nila’y dampian ng aking halik
At paliguan ng matamis na tubig
Mula sa pusong tunay na umi-ibig

Kailangan mo ay ang aking mga haplos
Sa bawat araw at gabi na lilipas
Buhay nati’t kaluluwa’y mag-iisa
Sa duyan ng pagmamahal at ligaya

Sa ating mundo, tayo ay magsasama
‘Di magkakawalay at laging masaya!