Ngxwelerha zeembali kumabali,
Ngxokozelo zeenkwali kubukhali,
Ngonyathelo kuni sisidima,
Ngokhanyo lwenu kuthi niluqilima,
Ndibonga ubukho benu kumabhelu,
Ngobunganganga kubunganga bolutho lwenu,
Nditshila kwisitshisa semfudumalo,
Nangona uthando lwenu lungelilo unxunguphalo,
Aa! Ndalo Yezidalwa Sisidalwa!
Bunxilile ubukho benu kwawethu amehlo,
Bubazile ubuntu benu ngezethu izenzo,
Bhudlu-bhudl'ukudlula kwenu ngalo ndlela,
Bhada-bhad'amabali enu kumlisela,
Bolatheni noba bezimele ebumnyameni,
Bathuthuzeleni abankxwaleko isemphefumlweni,
Bizani izizwe zidibane ngezonkwelo,
Bazotsho banibone nani nihlab'ikhwelo,
Aa! Ndalo yezidalwa sisidalwa,
Luyanda uluntu lungayiboni indima,
Luhluma kumhlinzo wolonwabo engekho uMakhalima,
Lwayinkonzo ludunyiswa mihla ulutho,
Lwazinyembezi zolonwabo zichininika kulo mbutho,
Lwalukho kwangoko singekho thina kwakuqala,
Lubazile kwakhona lucwengile kungekho zingqala,
Lulama bandl'elihle!
Lusima kuthi na xa sihleli kakuhle,
Aa! Ndalo Yezidalalwa Bubudala
This poem has not been translated into any other language yet.
I would like to translate this poem