Adeem Hashmi

(1946 - 05 November 2001 / Faisalabad / Pakistan)

Jab Usay Chaha To Chaha Her Tarah Ke Haal Main - Poem by Adeem Hashmi

Jab Usay Chaha To Chaha Her Tarah Ke Haal Main
Her Tarah Ka Husn Dekha Uss Ke Khad-O-Khaal Main

Chal Rahi Hai Ye Zameen Zandaa'n Ki Chakki Ki Tarah
Piss Rahay Hain Log Kia Kia Iss Ke Maah-O-Saal Main

Misl-E-Maahi Waqt Ke Haathon Se Phisli To Buhat
Phans Gai Aaker Jawani Jhurrion Ke Jaal Main

Inteha'on Per Rahay Hum Darmiaan Thehray Nahi
Aasmaan Ki Auj Per Ya Gir Gaye Pataal Main

Ye Bhi Kia Insaaf Hai Ay Munsif-E-Wasl-O-Firaaq
Uss Ki Aadhi Bhi Jhalak Dekhi Na Pooray Saal Main

Ibtida Se Hashr Tak Sab Teen Pinj'ron Main Hain Qaid
Koi Maazi, Koi Mustaqbil Main, Koi Haal Main

Teen Sau PainsaTh (365) Dareechay Waqf Sooraj Ke Leay
Chaand Ki Khatir Bani Baara'dari Her Saal Main

Mainay Socha Tha Kisi Ko Main Dhoka Doon Adeem
Shakl Apni He Nazar Aai Sabhi Ashkaal Main


Comments about Jab Usay Chaha To Chaha Her Tarah Ke Haal Main by Adeem Hashmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Wednesday, April 25, 2012


[Report Error]