Jamaican Yard Talk-1 Poem by Buxton Shippy

Hey boy, a wey you ago?
Me know you?
Man mine you business, bloodclaat.
Every time me turn
Somebody up ina me business;
A wey me ago,
Like me know him.
Lucky him didn't ask me that yestiday,
When me couldn't fine di rent money;
A woulda lick him di head
With a marta stick.
A wey me ago,
Damn faas.

This boy don't know it
But him mek me pressure rise.
Me is a funny man you no
When people get ina me business,
Me we fight.
Like last month,
When benji ask,
Wey Jennifa dey;
Like me live wid de woman,
Tell you, some people fool-fool bad.