Koyeliah Poem by Akhtar Jawad

Koyeliah Mujhko sikha yeh geet,
Bula loon main bhi apna meet,
Jo barkha ritu mein gati hay,
Tu kaise usko bulati hay,
Tere sang main bhi gata hoon,
Bin samjhe hi dohrata hoon,
Na jane tu keyun chirhti hay,
Bata keya mujhko samajhti hay,
Chura na loon main tera meet,
Churaoon ga main tera sangeet,
Mubarak tujhko apna meet,
Mubarak tujhko apna geet,
Mujhe tadpae kisi ki preet,
Bula loon main bhi apna meet.

Tera yeh meet nahin hay mera,
Tu samjhe mujhko lutera,
Aa barchi ban kar aa ja,
Mere dil mein isko chubha ja,
Mere geeton ko dede dard,
Mera mahboob hay kitna sard,
Meri aankhon mei bhar de pani,
Meri awaz ko de de rawani,
Wuh urta aaya tera meet,
Chupi patton mein teri preet,
Mubarak tujhko apni jeet,
Bade sharmeeley hayn yeh meet,
Sikha de jadoo bhara sangeet,
Bula loon main bhi apna meet.

(Ek purana bahut purana geet)