Malebo Go Lena Poem by Return Malatje

Malebo go wena Ratšohle,
Malebo go wena Morwamotho,
Malebo go lena baduladiphuphung,
Malebo go lena bakgaditsi,
Malebo go lena baanatau,
Malebo go lena bahlabapeu,
Gobane ka lena thekorumo ke kamile,

Manyami go wena diabolo,
Manyami go lena bagadikane,
Manyami go lena barutlametse,
Gobane ya lena thato e foloditse.

Malebo go wena ngwagaketekgoloseswaimasomeseswašupa,
Malebo go wena lewedi,
Malebo go wena la lesome,
Gobane ya lebalana nakhulwana le bjetše,
Gobane ya mahlokutwana namane le bjetše,
Gobane hlapitheledi metsehlweka le bjetše.

Ke hlapigadi ya Holla seokodibeng tsheng la hlweko,
Ke hlapihlweka ya ya Tswako patoga,
Ke sehlokantonehlogong sehlapela Mabjana lerole,
Ke ngwedi wa letopanta sehlokamaširelo.

Bjale hono le reng?
Le reng ba mašira’go ntshira?
Le reng ge ke re malebo go ba ga Malebo?
Le reng ge re fahlagane re fahlile le diabolo?
Le reng ge re se dimuma, mme re momagane pel’a bagaditšong?
Le reng ge wa ka Lebo a rile twaa! ka fase ga tšhweu?
Le reng ge ka tsoko re tsokamelana ya tsoko menwana?

Ruri lehono Morena rena re badirani, re dirana pel’a a rena madira.
Ba tla gadikega bjaša bagadikane,
Ba tla gata mohweleretšhipikgoteledi - ba swa swi!
Fela ke re malebo go lena bakgethatematema
Go la rena leratoratorato.