Mir Taqi Mir

(1723 - 1810 / Agra / India (Mughal Era))

ausam-e-abr ho subuu bhii ho - Poem by Mir Taqi Mir

mausam-e-abr ho subuu bhii ho
gul ho gulshan ho aur tuu bhii ho

kab tak aaiine kaa ye husn-e-qubuul
muuNh teraa is taraf kabhuu bhii ho

ho jo teraa saa rang gul kaa hai
dekheN ham tab jab aisii buu bhii ho

hai gar'z ishq sirf hii lekin
shart ye hai ke justujuu bhii ho

sarkashii gul kii sar nahiiN aatii
naaz karne ko vaisaa ruu bhii ho

kis ko bulbul hai dam-kashii kaa dimaagh
ho to gul hii kii guftuguu bhii ho

dil tamanaa-kadaa to hai par "Mir"
ho to us kii hii aarzuu bhii ho


Comments about ausam-e-abr ho subuu bhii ho by Mir Taqi Mir

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 20, 2012



[Report Error]