Muskan (Hindi) Poem by Anish Chouhan

Khud hi khud me kuch baaten bunati ho,
Has kar ab jo sabse milti julti ho,
Vakta gujar jaata hai ab kuch aise,
Nadiya ka beheta paani ho jaise,

Vyakulta se nain hai thirakte aise,
Panchi udkar ghar lauta ho jaise,
Milne par kun dil machalta hai,
Koi samip jo dhadkan soon jata hai

Tanhai ki un kaali raaton me,
Jab chaand utarta khidki pe,
Hawayen bhi dastak de jaati hai,
Kisike mann ki waani dikhlati hai,

Fir iss tarah yaad kisiki aati hai,
Aankhe raston par bich jaati hai,
Chaadar me lipte sailwat pad jaati hai,
Tab khushi ke aasuon se takiya nam ho jaati hai.