Ndinalongoma Yam Poem by Anele Potelwa (Unpublished)

Ngoma Yam!
Ngoma Yam!
Ndingengoma Yam!
endithi ndakuyivum'ivungame ngomvungulo,
endithi ndakuyiphinda-phinda iphaphathek'iphekuze imiphefumlo,
ingumbholorho wobomi endibuphilayo,
isisihluzo kutywal'endibusilayo,
Ndithi ndakugibisela ngalo ntshuntshe yam,
ikhonze ukuntyiloz'ezindlebeni zam,
ipholisa ungilarhoxe!
ithuthuzel'inzikinzane!
ingumnqantsa wentaba esing'empumelelweni,
kuba indichachathekis'esithebeni,

Ngoma yam!
Ngoma yam!
Ndinengoma yam!
yakuvakala kukhwaz'amayeye akowethu,
yakuhlokoma kuziziqhamo zifunz'iinzala zakowethu,
ndibabaz'ukuyisasaza kwilizwekazi iAfrika,
kodwa ke ihlaziy'iingqondo zoMazants'Afrika,
Kungekudala iyeza imbasa kazoth'umlilo,
kungekudala ndakubongoz'ukuphucul'isimilo,

Ngoma yam!
Ngoma yam!
Ndinengoma yam!
ngomlozi ichith'isithukuthezi,
kwinqanaba lokuphuhlis'umva ndedwa ndiyavokotheka,
zithi izifundiswa nabafundi ndingumbhali kuba ndiyabhala,
mna ndithi ndiyimvumi kuba ndivum'ingoma,
iminwe ishukumis'umxholo,
ingqondo idlwengul'umxhelo,
Ngoma yam!
Ngoma yam!
Ndinengoma yam!