Ngivumele Ntokazi Ngingene Ngijule enhliziyweni yakho
Ngikukhombise Uthando nentokomalo
Enginayo
Ngivumele Ntokazi Ngikunike Umcebo Ongandele bani Ongatholakali Kulabo ababusayo Kodwa nakulaba abadla imbuyangothi Kulapho Oxhaphakele Khona
Abantu abazi Ngoba sebagijimisa Amagolide ubani Ongayeka U Motsepe
Angigabe Ngasiliva Ngagolide Kodwa
Ngigabe Ngothando Olumsulwa Olungenakhohliso Namagqubu. Bengizazi Ukuthi Ngilisoka Elinesisoka engiqomise ngaso amaningi amatshitshi Kodwa lapha kuwe Kuvele kushwabane Ulimi
Ngigeje Into engapheli ngithuke sengikuthembisa Umcebo ekubeni Ngingenalutho
Ngivumele Ngingene ngizinze enhliziweni yakho
Ngivele ngizithuke sengiphenduka imbongi ngikuhaye Phela wena Uyingqongqo kweyami inhliziyo Uyimbali enuka amakha Amnandi uma ngingayitshala kwawako Thusini amabala impela umuzi kababa ungaqhakaza ubusika nehlobo
Ngivumele ngingene ngizinze enhliziweni yakho
Ngivalele ekhosombeni ungigwebe isigwebo sangunaphakade engani nesika Baba Umandela Sika 27 years Sincane noDilikajele Ka Mtshengiseni nawo Awukho Ngizibona ngifanelwe esentambo Lapha kuwena
Ngivumele ngingene ngizinze enhliziweni yakho
Ngibophe ngamaketango Othando Nkosazana Ngishutheke Ngopotsho Ngoba uma ungingenisa Kubona noma ubani Bayokhalaza abanye .
Ngivumele Ngingene ngizinze enhliziweni yakho
Kambe Ngingenze njani Ukunqamula amaketango enhliziyo Yakho ngoba Nezinombolo eziyimfihlo uyenqaba nazo sengisho i Secret Code sengyozama i It izongisiza Ingigqekezele Ukuze Ngifeze iphupho nesifiso sami Sokuba umnakekeli Nonogada Ongalali ubusuku Nemini ozogada Inhliziyo yakho..
Ngivumele ngingene ngizinze enhliziweni yakho...
This poem has not been translated into any other language yet.
I would like to translate this poem