Pagkahidaw Poem by FRAGMENTS AND PIECES

Ano Daw? O, Ano daw?
An sakuyang puso boot mag-omaw
An sakong kalag napupungaw
Sa kagurangnan na sakuyang ilaw

Tano daw ako napapaha?
An sakong espiritu garo sarong dukha
Nagmamawot nin sarong hinamala
ini sa puso ko dai nawawra

Ano daw ining namamati ko?
garo kawaran sa sarong himno
garo nota na may tamang tiempo
tunay na musika itinatao

Ah! buhay para sa ikahadean
an bilog na sadiri iyo an atang
sa buhay na ini, bagong dalan
para sa kapwa pagtabang lamang

O ano daw ta ako pa?
sarong ordinaryo asin maluya
binunot sa kadaklan ako napamata
para sa buhay na talagang naiiba

Ah! yan an sakuyang napapahaan
makapdi na may kabanalan
para sa kapwa may kahulugan
huli sa ngaran nin kagurangnan