People الناس Poem by MOHAMMAD SKATI

وين منكان الناس انا بطبعي اجتماعي و بحب الناس في امريكا و في الخليج و في افريقيا وين منكان... هيك تربينا منذ الصغر انا بطبعي بحب الناس و خصوصا الناس الاوادم و اللي بيحترموا نفسون في ناس بتطحش فيك طحش بهالحياة ليطلعوا فوئك و فوء غيرك كل شي الو حدود الخط الاحمر و بس هون ماتعودت خلي واحد يعلم علي و لاعلم على حدا هيك انا... كلياتنا ناس و ماحدا احسن من حدا! انا بحب ساعد كل الناس و ما بترك حدا مئطوع بالطريء لأنو غلط و مين ماكان يكون هيك اهلنا ربونا في ناس مخملة معدنا من كوكب تاني و هني و لاشي كل الناس خير و بركة مافي هدا ابن ست و هادا ابن جارية كلياتنا من تراب و النا الفخر ماعندي سيارة اليوم ان شا الله بوكرا بيصير عندي احلى سيارة و الله كان عندي سيارات و راحو متل فص ملح و داب صحتي كويسة - و الحمد لله و هادا احلى شي... الحياة مدرسة كبيرة و اغروف كنك بتغرف, يا بني آدم اجر برا و اجر بالأبر مافي لاانا و لا انت الناس كلون كويسين و كلون خير و بركة.. لك نحنا بشر و مانا حجر... و الله - احيانا - انت و ماشي بالطريء بيوجعك البك على حال الناس و بتئول الحمد لله بتهون مصيبتي لما بشوف مصيبة غيري! انا بحب الناس و ما بطله هادا كذا و هادا مذا بس العائل يفهم الحياة ما متل بعض الناس بيئولوا معك ارش بتسوى ارش و ما معك ارش ما بتسوى ارش و انا بئول كل الناس خير و بركة ان كان معون و لا ماكان معون... كلياتنا ناس و كلياتنا آوادم و كلياتنا من تراب و اليوم هون و بوكرا ماهون هي هي الحياة. ______________________________________________________________________القصيدة باللهجة العامية و انا لااشجع العامية ابدا و لكن اكتب بين الحين و الحين و شكرا. ____________________________________________________________________________________________________________________________________________