Phir Khawab Koi Dekhoon Poem by Bano Ali

Phir neend mujhe aaye agar phir khawab koi dekhoon,
Main tumme aaj ki shab phir se koi bat nai dekhoon.
Tum mujhko soch rahe ho ge aur neend na aaye ho gi,
Tum mujhko dhoondh rahe ho ge main khawab yehi dekhoon,
Yeh rat na yunhi guzar jaey koi aaj achanak aa jaey,
Is rat ko apne khawabon mein dulhan si saji dekhoon
Ek sal to hone aaya hay keyun chutti tumko milti nahin,
Pardes pe afat aaye koi main tumko abhi dekhoon.
Tum aaj agar na aye yehan main khudhi chali aaoon gi wuhan,
Tum sooraj ban kar aa jao aur rat kati dekhoon.