ramesh rai

Gold Star - 13,404 Points (13.12.1955 / howrah)

Pratiksha - Poem by ramesh rai

Main ek pathik hun
thodi si pratiksha karne aaya hun
kyunki mujhe pratiksha hai kal ki
aatma ka ek roop hun

main!
kayee loko ka bhraman kar
utara hun main, is dhara par
bas pratikha hai, meri baari ki

vicharan kar loon,
dekhne aaya tha
jaa raha hun, apne gantabya ko
jahan mujhe jaana hai
sabhi ko wahi par jaana hai
tab tak is pratikshalay mein
thoda vishram kar lete hai

mil jaata koi gar saathi
saath deta kuchh door tak
hamsafar hi n sahi
bas agale padaw tak
chhoot jaata hai
ya phir chhod deta hai
akela jaankar.

main bhi n baandh paya
samay ki raftaar ko
use bhi shighrata thi
use bhi jaana tha
apne gantabya ko

kahn thaur hai
main nahi jaanata

sau saal ki ghadi
bahut jaldi gujar gaye
tabhi to hame jaana hai
dusre lok ki yaatra mein
naye saathi ki talaash mein

koi kitna bhi kahe
mai rukne wala nahi
mere prasthan ka samay aa gaya

Alvida dost! Alvida!

hamaara tumhaara saath
bas yehi tak tha
meri galati ko maaf karna
ho sake to agle padaw mein milna
n jaane wah kaun sa padaw hoga

kaun sa desh, kaun sa nakshatra,
kaun sa brahmand
bas!
mujhe tumhari pratiksha rahegi.


Comments about Pratiksha by ramesh rai

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Saturday, March 31, 2012

Poem Edited: Saturday, March 31, 2012


[Hata Bildir]