Inner Whispers

Rookie (May 25,2008 (d day this page was born) / Philippines)

! ! S I D H I


Tumatakbo siya sa parang ng kawalan
Matinding sikat ng araw, tumuyot sa kanyang lalamunan,
Masalsal na paghinga, tibok ng puso'y naghabulan
Paligid ay tila limbo, umiikot, bumibilis ang pag-inog!

'Anak ng pitong baka! Saan ba naglimayon ang punyeta! '
Kalansing ng takip ng kaldero'y narinig sa kusina.
Tinabig ang pitsel na sa lamesa nakatumba
Kumpol ng langaw ay nagliparan, sa kagyat niya'ng pagtihaya.

Pilit ipinikit ang mata'ng nanlalabo
Tiniis ang SIDHI ng kalam, sa katawang hapo,
Tiktik ng butiki, sa kisame'y tingin ay napako
Nakaramdam ng kaba, bumalikwas bigla
'Nasaan na nga ba ang magaling ko'ng asawa? '

Binagtas niya ang masikip na eskinita,
Kaladkad ang paa'ng nginig pa sa hina;
Sa pagdaan niya sa grupo ng tsismosa'ng si Rosa
Narinig nya ang kantiyaw, 'Wala, Kadyo,
ang Ligaya mo'y ligaya na ng iba! '

Inginuso ng mahaderang Rosa ang pinid na pinto
Kagya't sinipa ng huramentado nang si Kadyo,
Natambad ang senaryo'ng sa kanya'y nagpaliyo
Ngipin ay nagngalit, automatikong hinagilap ang ice pick
na sa kanya'ng bewang nakasukbit!

Hinablot ang buhok ni Rosa na nakapatong pa
Sa tagiliran inasinta at limang matitinding saksak ang tumama,
Hinarap ang kapitan na nakatunganga na tila ibinabad sa suka
Nanlilisik ang mata, SIDHI ng pagkasuklam ang dumapo sa kanya!

'Kadyo, maghunusdili ka! ', nginig na wika ni Kapitan
'Ang Ligaya mo ang lumapit, sa akin ay pilit kumapit,
SIDHI ng kalam ng sikmura ang dahilan niya,
kaya't ipinalit ang puri na iniingatan niya sa limandaang halaga! '

Tila walang narinig si Kadyo, mistulang aso nang ulol
Nanginginig na tinadyakan ang mukha ni Kapitan
Di mapigil ang SIDHI ng galit, ang pait at hinagpis
Kinaldkad palabas ang hubo't hubad na katawan
ng nagmamakaawang Kapitan!

Mga miron ay naglisawan, panay-panay ang hiyawan
Nakita si Kadyo na kamay at katawan ay duguan
Pinaluhod ang Kapitan sa kanila'ng harapan
'Anooo...heto ang Kapitan ninyo'ng demonyo!
De kalibre at malinis kuno! Pwe! Masahol pa sa ulol na aso! '

Sirena ay narinig sa di kalayuan
Na siyang umalarma kay Kadyo upang manlaban,
Sa SIDHI ng suklam, sa harap ng pulisya na alagad ni Kapitan
Binutas ang lalamunan, sumirit ang dugo at nangisay ito ng tuluyan!

Ahhh...SIDHI ng gutom ano ba ang dahilan?
Kawalan ng trabaho sa katulad ni Kadyo na isang mangmang;
SIDHI ng silaw sa salapi naman ang mag-uudyok upang mapawi ang kalam
Kakapit ito sa patalim, malamnan lamang ang sikmura at sarili'y matustusan!

Ano nga ba'ng hirap ito na lantarang nakatambad
Ang pagtulong ba sa kapwa'y may dapat kapalit?
Pati ba naman respetado'ng si Kapitan, di na inisip
Ang dangal ay isinanla sa SIDHI ng pita ng laman,
sinamantala ang SIDHI ng kalam ng kanyang nasasakupan!

(Alay kay hunyangong Kapitan...)

Submitted: Monday, July 06, 2009

Do you like this poem?
0 person liked.
0 person did not like.

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (! ! S I D H I by Inner Whispers )

Enter the verification code :

There is no comment submitted by members..

Trending Poets

Trending Poems

  1. The Road Not Taken, Robert Frost
  2. Still I Rise, Maya Angelou
  3. If You Forget Me, Pablo Neruda
  4. If, Rudyard Kipling
  5. To an Athlete Dying Young, Alfred Edward Housman
  6. Alone, Maya Angelou
  7. Do Not Go Gentle Into That Good Night, Dylan Thomas
  8. A Question, Robert Frost
  9. Alone With Everybody, Charles Bukowski
  10. Stopping by Woods on a Snowy Evening, Robert Frost

Poem of the Day

poet Alfred Edward Housman

The time you won your town the race
We chaired you through the market-place;
Man and boy stood cheering by,
And home we brought you shoulder-high.

...... Read complete »

   

Member Poem

New Poems

  1. The Music of the World, Vera Sidhwa
  2. If You Were Here Today, Serena Blackinton
  3. my eyes only see light, Rob Spiering
  4. All for You, Muhammad Sarim Ashrafi
  5. Would you be my Muse?, maryline vautravers
  6. You don't deserve a title, Marina Olivera Sangers
  7. Don't wait, Marina Olivera Sangers
  8. I am an eagle, Marina Olivera Sangers
  9. Exactly what I am looking for, Diamond The Ninja
  10. You're the one with issues, Marina Olivera Sangers
[Hata Bildir]