Adeem Hashmi

(1946 - 05 November 2001 / Faisalabad / Pakistan)

Shor sa aik, her aik simat bapa lagta hai - Poem by Adeem Hashmi

Shor sa aik, her aik simat bapa lagta hai
Wo khamoshi hai k lamha bhi sada lagta hai

Kitna sakit nazar aata hai hawaon ka badan
Shakh per phool bhi pathraya hua lagta hai

Cheekh uthti hui her ghar se nazar aati hai
Her makan sheher ka aasaib zada lagta hai

ankh her rah se chipki he chali jati hai
Dil ko her morh pe kuch khoya hua lagta hai

Kitna hasid hun k ik tu he mera apna hai
Aor tu theek se hunsta bhi bura lagta hai

Mere ehsas ne sawan mein ganwai hai nazar
Mujh ko sookha hua jungle bhi hara lagta hai

Sochta hun to her insan purani soorat
Dekhta hun to her ik shakhs naya lagta hai

Apna ehsas k rehta hun khandar mein jesay
Sheher apna k zameenon mein daba lagta hai

Dair se dhoondh raha hun faqat ik shab ki panah
Saaf inkar her ik dar pe likha lagta hai

Jaan tu apni kis liye ganwata hai Adeem...
Khoobsoorat hai wo lekin tera kia lagta hai...!!!


Comments about Shor sa aik, her aik simat bapa lagta hai by Adeem Hashmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012



[Report Error]