Adeem Hashmi

(1946 - 05 November 2001 / Faisalabad / Pakistan)

Ta'alluq Apni Jaga Tujh Se Barqarar Bhi Hai - Poem by Adeem Hashmi


Ta'alluq Apni Jaga Tujh Se Barqarar Bhi Hai
Magar Ye Kia Ke Teray Qurb Se Faraar Bhi Hai

Kuraid Aur Zameen, Mausamo'n Ke Mut'laashi
Yaheen Kaheen Meri Khoi Hui Bahaar Bhi Hai

Yehi Na Ho Teri Manzil Zara Theher Ay Dil
Wohi Makaan Hai, Dee'on Ki Wohi Qataar Bhi Hai

Yunhi To Rooh Nahi Tor'ti Hisaar-E-Badan
Zarur Apna Koi Baad'lon Ke Paar Bhi Hai

Main Patharo'n Se He Sir Ko Patakh Ke Laut Aaya
Chataan Kehti Rahee Mujh Main Shaah'kaar Bhi Hai

Ye Kia Ke Rok Ke Betha Hua Hoon Sail-E-Hawas
Machaan Per Bhi Hoon Aur Samnay Shikaar Bhi Hai

Chhupa Hua Bhi Hoon Jeenay Ki Aarzu Lekar
Panaah'gah Meri Sher Ki Kachhaar Bhi Hai

Adeem Uss Se Karon Bhi To Kis Tarah Ka Sulook
Hareef Bhi Hai Wo Apna, Wo Apna Yaar Bhi Hai


Comments about Ta'alluq Apni Jaga Tujh Se Barqarar Bhi Hai by Adeem Hashmi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Wednesday, April 25, 2012


[Report Error]