Momin Khan Momin

(1800 - 1851 / Delhi / British India)

Tauba hai k ham ishq butoN kaa na karein ge - Poem by Momin Khan Momin

Tauba hai k ham ishq butoN kaa na karein ge
Wo karte hain ab, jo na kia thaa, na karein ge

Thehri hai k ThehraayeN ge zanjeer se dil ko
Par barhami-e-zulf ka saudaa na karein ge

Andesha-e-mizhgaaN mein agar khuN ne kia josh
Nishtar se ilaaj-e-dil-e-deewaana karein ge

Gar aarzu-e-vasl ne beemaar kia to
Parheiz karein ge pe madaavaa na karein ge

Rakh levein ge pathar magar un sang-diloN ko
CHaati se lagaane ki tamannaa na karein ge

Hai ehd k phir jaa na phirein koo-e-butaaN mein
Phir jaayeN ab is ehd se, aaisaa na karein ge

Aai hazrat-e-Momin! ye musallim jo hai irshaad
Bhoole se bhi ab zikr butoN kaa na karein ge!!

Lekin jo butoN ne bhala aap se kee baat !!
Phir aap hi farmaayeN k kyaa kyaa na karein ge!


Comments about Tauba hai k ham ishq butoN kaa na karein ge by Momin Khan Momin

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 20, 2012



[Report Error]