Geoffrey Chaucer

(c. 1343 – 25 October 1400 / London, England)

The Complaint Of Chaucer To His Purse - Poem by Geoffrey Chaucer

To yow, my purse, and to noon other wight
Complayne I, for ye be my lady dere!
I am so sory, now that ye been lyght;
For certes, but ye make me hevy chere,
Me were as leef be layd upon my bere;
For which unto your mercy thus I crye:
Beth hevy ageyn, or elles mot I dye!

Now voucheth sauf this day, or yt be nyght,
That I of yow the blisful soun may here,
Or see your colour lyk the sonne bryght,
That of yelownesse hadde never pere.
Ye be my lyf, ye be myn hertes stere,
Quene of comfort and of good companye:
Beth hevy ageyn, or elles moote I dye!

Now purse, that ben to me my lyves lyght
And saveour, as doun in this world here,
Out of this toune helpe me thurgh your myght,
Syn that ye wole nat ben my tresorere;
For I am shave as nye as any frere.
But yet I pray unto your curtesye:
Beth hevy agen, or elles moote I dye!

Lenvoy de Chaucer
O conquerour of Brutes Albyon,
Which that by lyne and free eleccion
Been verray kyng, this song to yow I sende;
And ye, that mowen alle oure harmes amende,
Have mynde upon my supplicacion!


Comments about The Complaint Of Chaucer To His Purse by Geoffrey Chaucer

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: song, world



Poem Submitted: Friday, January 3, 2003



[Hata Bildir]