The Knight Of The Grail Poem by Anonymous Olde English

Lully, lully; lully, lulley;
The fawcon hath born my mak away.

He bare hym vp, he bare hym down;
He bare hym into an orchard brown.

In that orchard ther was an hall,
That was hangid with purpill and pall.

And in that hall ther was a bede;
Hit was hangid with gold so rede.

And yn that bed ther lythe a knyght,
His wowndes bledyng day and nyght.

By that bedes side ther kneleth a may,
And she wepeth both nyght and day.

And by that beddes side ther stondith a ston,
'Corpus Christi' wretyn theron.