The Sair Finger Poem by Walter Wingate

The Sair Finger

Rating: 4.0


You've hurt your finger? Puir wee man!
Your pinkie? Deary me!
Noo, juist you haud it that wey till
I get my specs and see!

My, so it is - and there's the skelf!
Noo, dinna greet nae mair.
See there - my needle's gotten't out!
I'm sure that wasna sair?

And noo, to make it hale the morn,
Put on a wee bit saw,
And tie a Bonnie hankie roun't
Noo, there na - rin awa'!

Your finger sair ana'? Ye rogue,
You're only lettin' on.
Weel, weel, then - see noo, there ye are,
Row'd up the same as John!

COMMENTS OF THE POEM
Billy abbott 02 September 2019

Recited this poem when i was a wee boy in Edinburgh...but only the first two verses...and I have a brother called John...mmm..thanks for THE Last two verses...

0 0 Reply
Emily 12 February 2019

Emily and Stephen will be working on the same day as the first day for our school September and we

0 0 Reply
READ THIS POEM IN OTHER LANGUAGES
Close
Error Success