! ! ! Timawa Poem by Inner Whispers

Nakapangalumbaba...

dungaw ni Juan
tila malalim, malayo
malabo...
nasasagkaan
ng pader ng panghihinayang,
ng pag-asam...
ng tamis, ng pait
sa labi at mata'y
banaag ang malalim na pag-iisip!

isip niya'y naglalakbay
bukas...
ngunit walang maapuhap
sa dako ng kanyang pangarap!

yosi'y nauupos na
magkano na nga ba ang isa?
di namalayang nakaipit
sa nakapangalumbabang bisig!

Malamig na ang kape mo,
timawang JUan!