To Me Likh Paata Hu Poem by Suresh Chhattwani

Faani duniya me chalte chalte, mai jab thak jata hu,
khayalo me doud doud kar, taro taza ho jaata hu,
Dil me mere hulchal ho, to me Kuchh likh paata hu.....

Aankhe jab sukhne lage, kalam gili ho jaati he,
Syaahi jhumte hue, Aazad ho jaati he,
Shaam jab dhalne lage, panno par subhah ho jaati he.....

Khayalo ke pankh mere lambe he,
aur ye Aasman thoda sa chhota he,
Safar ye pura karne ko me bhi uddna chahta hu.....

Kuchh hothon se na baya hua,
ya, Aankhe kuchh na samajha paayi,
Dil ki har baat me sabse kehana chahta hu,
Dil me mere hulchal ho to me kuchh likh pata hu....