Tujhe Meri Kasam Poem by Shrini Deewana

Ho sake to daud ke tu aaja sanam,
Mere aankhon ke ashkon ko mitaa jaa sanam,
Kuch to karde sanam tu mujh par reham,
Tujhe meri kasam tujhe meri kasam.

Mere aankhon mein kyon sada rehati ho tum,
Mere dil mein sada kyon dhadakthi ho tum,
Aisa kya jaadoo chalaya hai tumne sitam,
Jo yun tera 'Deewana' ho gaye hai hum.

Zindagi to bas yun hi jee rahe hai hum sanam,
Har pal sitam tere yaadon mein khoye rehate hai hum,
Ab itna na tadpaao tum mujhko sanam,
Mujhko tum apne baahon mein bharlo mere sanam.

Is jeevan ke uljhan bahut hi hai buri,
Yeh apne khwaabon ko kabhi na hone degi poori,
Is janam mein hum tum mil nahin paaye to kya,
Tere khatir phir se janam mein loonga sanam.

Bas dil mein mere ek hi chahat hai sanam,
Tere arthi ko kandha mein de doon sanam,
Tere shav mein lagi aag bhujne se pehale sanam,
Mere bhi saansein tham jaaye yehi hai mere dil ki chahat sanam.