Tum Jo Agar Saath Hote Poem by Rishi Thakkar

Tum jo agar hote...

Tum jo gar hote, Kuch sapne apne sang hote..
Kuch aansu aankhen na khoti
Kuch dard apne na hote..

Kuch savere ka sooraj aur suvarn hota
Kuch shaamon ki chandni aur madhuram hoti..

Kuch lamhe aur yaadgar hote..
Kuch pahar jab mujhme tum aur Tumme hum khote..

Kuch dil ko Malham mil jata
Tu meri rooh me aushadhi ki tarah mil jaata..

Tum jo gar hote
Kuch aur sapne sang hote..

Wo Tanhaayi waale bhoogol vriksha jo daravne bhooto ki tarah mujhe khauff ka parichay de jaate thhe..
Wo shaam k kaale baadal wo mujhe ghum ne baatein thhe..
Wo mann ka deepak jo prajwalit hone se ghabrata thha..

Ye sab mere jeevan ke saaye na hote..
Tum jo agar hote...

Wo tumhari hasi ki maddham leher.
Wo tumhari baaton ki garam saason waale peher..
Wo tumhare aanchal tale khudko chupana..
Wo tumhare liye kavitaein sunnana.
Wo tumhara unko sunnke aankhein jhukaye sharamana..
Kuch yaadgar Sparsh abhi bhi zehen mein gungunate hain..
Tumhare har pal mujh sangh hone k geet gaatein hain..
Mann Ab bhi ye gungunata hai
Vastavikta ki sacchai jante hue bhi yaadon mein taro sa jhilmilata hai..

Ye yaadon ke yaadgar taare na hote..
Tum agar zindigi mein aaye na hote..

Tum jo agar saath hote Kuch sapne haqueeqat hote sirf sapne na hote...